الحياة اختيارات ..

الحياة اختيارات ..
جملة كثيرا ما سمعتها في افلام ، اعلانات ، مشاهد درامية عالية ، لكن لا اتذكر اني سمعتها في واقع حياتي اليومية باستثناء امس .
بين اليقظة و اليوم لا اعلم سر الزيارة المفاجئة لهذه الجملة لي و لكن بمعنى مختلف ، تحديدا لم اوافق على هذه الجملة لسبب بسيط و هو اني لا املك حق الاختيار في نوعي ، كانسان ، فلو ان الحياة اختيارات كما يقولون – و لا اعرف تحديدا من هم – لكان اول صور تطبيق هذا الحق هو ان اختار على اى شكل اكون عليه ، بل في اى قالب اكون ، الحقيقة انا لا املك الا ان اكون انسان ، لست مخيرة بين انسانيتي وآدميتي و اى شيء آخر .
اعلم تماما و اقدر نعمة ربي ان جعلني انسانا مكرما من صنع يديه و اسجد الملائكة لأبي آدم و اعلم قدر تميزي بالعقل الذي هو نعمة اختص بها الله الانسان و فقط ، كما اعلم تلك المساحة الواسعة من حرية الاختيار و الاعتقاد ، و لكن حقا ما لا اعلمه هو لماذا طرأت هذه الفكرة الغريبة على عقلي خاصة و انا بين الصحو و النوم .

سؤال

لو الزمن رجع هنختار اللى اخترناه و عشناه و لا لا ؟
كنت محتاجه احس بهواء جامد اوى
شغلت المروحة ع الاخر
طارت حاجه من كتر الهواء ما عرفتش ايه
بصيت ع الحيطه مش لقيت حاجه لافته نظرى انها غابت
لما قمت
لقيتها النتيجه الصغيرة اللى كنت لزقاها ع الحيطة جنب المكتب
حاولت افتكر كنت حطاها فين
مش عرفت
مش لقيت غير مكان واحد ممكن تتحط فيه
و بعد ما حطتها
افتكرت ان هو ده مكانها اللى سبق و كانت فيه قبل ما تقع
يعنى اخترت نفس اللى اخترته قبل كده
هل ده هيمشي ع كل حاجه ف حياتي ؟
هل هختار نفس الحياة ؟
نفس المكان ؟
؟؟؟